منصات باشتراك SaaS
حوّل فكرتك إلى منتج رقمي يشترك فيه عملاؤك
أبني لك منصة فيها حسابات مستخدمين وباقات ودفع إلكتروني، جاهزة تستقبل أول مشترك من يوم الإطلاق.
- حسابات مستخدمين
- باقات واشتراكات
- دفع إلكتروني
- لوحة لصاحب المنصة
وش تشمل الخدمة
كل اللي يحتاجه منتج رقمي عشان يبيع ويخدم مشتركيه.
حسابات وباقات
تسجيل ودخول، وباقات بمزايا مختلفة، وترقية أو إلغاء يسويها العميل من حسابه بدون ما يراسلك.
دفع وتجديد تلقائي
ربط مع بوابة دفع تناسب نشاطك، وفواتير تصدر تلقائيا مع كل تجديد.
فصل بيانات العملاء
كل مشترك له مساحته، وبياناته معزولة عن باقي المشتركين.
لوحة لصاحب المنصة
تشوف منها المشتركين والباقات والمدفوعات، وتدير المنتج كله.
صفحة تعريف بالمنتج
صفحة تشرح المنتج وباقاته، وتشجّع الزائر على الاشتراك.
كيف نبني منتجك
نطلق نسخة أولى صغيرة، ونكبّرها على ضوء استخدام المشتركين.
نحدد النسخة الأولى
نختار أقل مجموعة ميزات تخلي المنتج مفيد لأول مشترك.
أبني الحسابات والباقات
التسجيل، والصلاحيات، وحدود كل باقة.
أربط الدفع والفواتير
اشتراك وتجديد وإلغاء، مجرّبة كلها قبل الإطلاق.
نطلق ونتابع
نراقب استخدام أول المشتركين، ونقرر التطوير اللي بعده.
تناسبك هذي الخدمة إذا
- عندك خبرة في مجال، وتبي تحولها إلى منتج رقمي.
- تقدّم خدمة يدويا لعدة عملاء، وتبي تحولها إلى منصة.
- تبي تختبر الفكرة بنسخة أولى قبل ما تكبّرها.
وش تستلم في النهاية
- المنصة شغّالة على استضافتك أنت.
- بوابة الدفع مربوطة ومجرّبة.
- نسخة من الكود وشرح مكتوب.
- دعم بعد التسليم حسب اللي نتفق عليه.
أسئلة عن الخدمة
إذا سؤالك مو هنا، اكتبه في نموذج التواصل.
أي بوابة دفع تستخدم؟
نختارها حسب نشاطك وبلدك. أعرض عليك الخيارات المتاحة ومميزات كل وحدة، وأربط اللي نتفق عليها.
هل أقدر أبدأ بنسخة صغيرة ثم أطوّرها؟
نعم، وهذا اللي أنصح فيه. نبدأ بأهم الميزات، تجربها مع مشتركين فعليين، وبعدها نضيف الباقي حسب الحاجة.
هل المنصة تتحمل لو زاد عدد المشتركين؟
أبني المنصة بطريقة تقبل التوسّع. ولو زاد الاستخدام كثير، ممكن تحتاج ترقية الاستضافة أو تحسينات إضافية نتفق عليها وقتها.