أتمتة وذكاء اصطناعي
المهام المتكررة تشتغل لحالها، وفريقك يتفرغ للمهم
أبني لك سير عمل تلقائي ومساعدات ذكية داخل أنظمتك: الطلب يوصل، يتصنّف، يروح للشخص الصح، والعميل يوصله الرد.
- سير عمل تلقائي
- مساعد ذكي
- تلخيص وتصنيف
- تقارير دورية
وش تشمل الخدمة
نأتمت اللي يتكرر، ونخلي القرار المهم عند الإنسان.
سير عمل تلقائي
أربط خطوات شغلك اليومية بأداة n8n أو بكود خاص، فتمشي المهمة من أولها لآخرها بدون ما أحد يتابعها.
مساعد ذكي على بياناتك
يجاوب أسئلة العملاء أو الفريق من محتواك أنت، مو من معلومات عامة.
تلخيص وتصنيف
الرسائل والطلبات تتلخص وتتصنف وتتوزع على أصحابها تلقائيا.
تقارير وتنبيهات دورية
التقرير يوصلك في وقته، بدون ما أحد يجهزه يدويا.
مراجعة بشرية وقت الحاجة
الخطوات الحساسة تنتظر موافقة شخص قبل ما تكمل.
كيف نبدأ الأتمتة
مهمة وحدة تشتغل صح أفضل من عشر مهام نص شغّالة.
نحصر المهام المتكررة
وش اللي يتكرر كل يوم، وكم ياخذ من وقت الفريق.
نختار اللي يستاهل
نبدأ بالمهمة اللي أثرها واضح ومخاطرها قليلة.
أبني السير وأجربه
أجربه على حالات حقيقية، وأعالج الحالات الشاذة.
التشغيل والمراقبة
كل عملية لها سجل، وكل خطأ له تنبيه.
تناسبك هذي الخدمة إذا
- فريقك يكرر نفس الخطوات كل يوم.
- الرد على العملاء يتأخر وقت الضغط.
- تبي تستفيد من الذكاء الاصطناعي، وما تعرف من وين تبدأ.
وش تستلم في النهاية
- سير عمل شغّال ومجرّب على حالاتك.
- سجل للعمليات وتنبيهات للأخطاء.
- شرح لطريقة التعديل والإيقاف.
- دعم بعد التشغيل حسب اللي نتفق عليه.
أسئلة عن الخدمة
إذا سؤالك مو هنا، اكتبه في نموذج التواصل.
هل بياناتي تنرسل لشركات خارجية؟
يعتمد على الأداة المستخدمة. قبل ما نبدأ أوضح لك أي بيانات تنرسل ولأي جهة. وإذا بياناتك حساسة، نختار حل يشتغل على استضافتك بدون ما تطلع البيانات منها.
وش يصير لو الذكاء الاصطناعي أعطى نتيجة غلط؟
الذكاء الاصطناعي ممكن يغلط، ولهذا الخطوات الحساسة ما تتنفذ إلا بعد موافقة شخص من فريقك. وكل عملية تتسجل، فتقدر ترجع لها وتصحح.
هل أحتاج أغيّر الأنظمة اللي أستخدمها الحين؟
في الغالب لا. الأتمتة تشتغل مع الأنظمة اللي عندك وتربط بينها، بدون ما تستبدلها.