هذي الصفحة توضح وش البيانات اللي يجمعها موقع ithamersa.com، وليه يجمعها، ومع مين تتشارك.
آخر تحديث: 14 نوفمبر 2026
البيانات اللي ترسلها انت
لما تعبّي نموذج التواصل، توصلني البيانات اللي كتبتها: اسمك، وإيميلك، ورقم جوالك، والخدمة اللي اخترتها، ورسالتك. توصلني بالإيميل، وأستخدمها عشان أرد عليك وأتابع طلبك.
ما أبيع هالبيانات، وما أشاركها مع جهات تسويقية، وما أضيفك لقائمة بريدية.
إحصائيات الزيارات
يستخدم الموقع خدمة Google Analytics عشان أعرف أي الصفحات تفيد الزوار وأحسّن الموقع. تجمع الخدمة معلومات عامة عن الزيارة، مثل:
- الصفحات اللي زرتها، وكم بقيت فيها.
- من وين وصلت للموقع، مثل بحث قوقل أو رابط في موقع ثاني.
- نوع جهازك ومتصفحك.
- موقعك التقريبي على مستوى المدينة أو الدولة.
تستخدم الخدمة ملفات تعريف الارتباط (cookies) عشان تميّز الزيارات عن بعض. وهالمعلومات ما تعرّفني عليك شخصيا.
خدمات خارجية يستخدمها الموقع
- خطوط قوقل (Google Fonts) ومكتبة jsDelivr: يحمّل متصفحك منها الخطوط وبعض الملفات، فتشوف هالخدمات عنوان الإنترنت (IP) حق جهازك، مثل أي موقع تزوره.
- الاستضافة (Hostinger): تحتفظ بسجلات تقنية للزيارات، مثل وقت الزيارة وعنوان الإنترنت، لأغراض التشغيل والحماية.
الروابط الخارجية
في الموقع روابط لواتساب ولينكدإن وإكس. لما تضغطها تنتقل لمواقع لها سياسات خصوصية خاصة فيها.
كيف تتحكم في بياناتك
- تقدر تمنع ملفات تعريف الارتباط أو تحذفها من إعدادات متصفحك.
- تقدر توقف Google Analytics في متصفحك عن طريق إضافة قوقل المخصصة لهالشي.
- لو تبي تعرف البيانات اللي أرسلتها لي أو تبي أحذفها، راسلني من نموذج التواصل.
تحديث هالصفحة
لو تغيّر شي في طريقة جمع البيانات، أحدّث هالصفحة وأغيّر تاريخ آخر تحديث.